Syrgjyn‑Vdekur

“Syrgjyn‑vdekur” nga Fan Noli është një elegji e thellë dhe prekëse kushtuar patriotit të madh Luigj Gurakuqi, i cili u vra në mërgim më 2 mars 1925. Me vargje plot dhimbje dhe krenari, kjo vepër përkujton sakrificën, drejtësinë dhe idealet e një figure të shquar të kombit shqiptar.
Ky recitim/këngë sjell emocione të forta dhe kujton një plagë historike, duke e bërë poezinë një thirrje për mosharresë dhe nderim për ata që dhanë gjithçka për Shqipërinë.
🇦🇱 Lavdi dëshmorëve
🕊️ Kujtim i përjetshëm për Luigj Gurakuqin
📖 Fan Noli – zëri i ndërgjegjes kombëtare

Nëno moj, mbaj zi për vllanë,
Me tre plumba na i ranë,
Na e vran' e na e shanë,
Na i thanë trathëtor.

Se të deshte dhe s'të deshnin,
Se të qante kur të qeshnin,
Se të veshte kur të çveshnin,
Nëno moj, të ra dëshmor.

Nëno moj, vajto, merr malin,
Larot t'a përmbysnë djalin
Që me Ismail Qemalin
Ngriti flamur trimëror.

Nëno moj, m'a qaj në Vlorë
Ku të dha liri, kurorë,
Shpirt i bardhë si dëborë;
Ti s'i dhe as varr për hor.

Nëno moj, ç'është përpjekur
Gojë-mjalt' e zëmër-hekur,
Syrgjyn-gjall' e syrgjyn-vdekur,
Ky Vigan Liberator.